Alles Banana!

Parkschade mit eusne nördliche Nachbarsländer, am Fuchs folge, di italienisch Kuchi go teste und de Pilatus go bestiege – das isch eusi Vorstandsreis gsy!

Mit zwei Auto‘s simmer am Samstigmorge richtig Luzern gfahre, womer di einte oder andere Gäst us de Nachbarländer hend müsse belehre, wie mer Parkiere sött. Kurzerhand simmer denn go brunche und euse Foxtrail uf eus gnah. Wunderschöni Ussichte und spannendi Weg hemmer derfe gseh und sind schlussendlich nach es paarne Stunde wandere, Mittagspausene und spannende Iblick vode Stadt zrugg im Hotel ahcho.

Kurz dusched und gfolgt vomene Apero hemmer eus denn en feine Znacht imene italienische Restaurant gönnt. Abgrundet miteme Dessert simmer denn ziemlich erschöpft is Bett gläge.

Am Sunntig hemmer eus nachere Stärchig uf de Weg in Richtig Pilatus gmacht. Mitem Bändli ufe go d‘Ussicht gnüsse, e chlini Wanderig drab und abgrundet miteme feine Plättli oder Pommes hemmer de Sunntig uslüte lah.

Danke Ramona für s‘Organisiere vo dem coole Wucheend!

Schreibe einen Kommentar